اسلام ٹائمز۔ لاہور میں انسداد دہشت گردی کی خصوصی عدالت نے تحریک لبیک کے 17 کارکنوں کو بری کر نے کا حکم دے دیا ہے۔ بری ہونے والے ملزموں میں حافظ سلیم ظہور، احمد محمد اقبال، خادم حسین، اللہ دتہ اور اختر علی سمیت دیگر شامل ہیں۔ انسداد دہشت گردی کی خصوصی عدالت کے جج اعجاز احمد بٹر نے مذکورہ بالا فیصلہ سنایا ہے۔ عدالت نے تحریک لبیک کے وکلاء شہزاد احمد بھٹی اور میاں محسن کے دلائل سننے کے بعد مذکورہ ملزمان کو بری کرنے کا حکم جاری کیا۔ ملزمان کے خلاف 2021ء میں تھانہ سندر پولیس نے جلاو گھیراو، توڑ پھوڑ اور پولیس اہلکاروں پر تشدد کا مقدمہ درج کر رکھا تھا۔