QR Code

امریکی بحریہ کے بوئنگ طیارے کی جناح ایئرپورٹ پر لینڈنگ

28 Jan 2022 20:01

ایوی ایشن ذرائع کے مطابق یو ایس نیوی کا طیارہ بحرین سے روانہ ہوا تھا اور جمعرات کی شام 6 بج کر 30 منٹ پر کراچی کے جناح انٹرنیشنل ایئرپورٹ اترا، طیارے نے لگ بھگ ایک گھنٹہ 45 منٹ تک کراچی ایئرپورٹ پر قیام کیا۔

اسلام ٹائمز۔ کراچی میں 21 جنوری کو امریکی بحریہ کے بوئنگ طیارے نے بحرین سے جاتے ہوئے کراچی کے جناح انٹرنیشنل ایئر پورٹ پر لینڈ کیا۔ امریکی بحریہ کا بوئنگ طیارہ دبئی سے جمعرات 20 جنوری کی شام کراچی پہنچا جو لگ بھگ پونے دو گھنٹے تک کراچی ایئر پورٹ پر موجود رہا۔ بعد ازاں مختصر قیام کے بعد طیارہ واپس روانہ ہوگیا۔ ایوی ایشن ذرائع کے مطابق یو ایس نیوی کے طیارے کا رجسٹریشن نمبر 165832 تھا۔ بوئنگ سی 40 اے طیارہ فلائٹ کے طور پر بحرین سے روانہ ہوا تھا اور جمعرات کی شام 6 بج کر 30 منٹ پر کراچی کے جناح انٹرنیشنل ایئرپورٹ اترا۔ طیارے نے لگ بھگ ایک گھنٹہ 45 منٹ تک کراچی ایئرپورٹ پر قیام کیا، جب کہ یہ طیارہ رات 8:15 بجے بحرین کے لئے روانہ ہوا۔ امریکی فوجی طیارے کی کراچی ایئرپورٹ پر آمد کا سبب معلوم نہیں ہو سکا، جبکہ میڈیا میں بھی ایوی ایشن حکام کی جانب سے کوئی بیان جاری نہیں کیا گیا۔

خبر کا کوڈ: 976042