اسلام ٹائمز۔ وزیراعظم شہباز شریف نے ڈالر کی قدر میں مسلسل اضافے کا نوٹس لیتے ہوئے معاشی صورتحال سے متعلق اہم اجلاس طلب کر لیا۔ وزارت خزانہ، ایف بی آر، وزارت تجارت کے حکام وزیراعظم کی زیر صدارت ہونے والے اجلاس میں شریک ہوں گے۔ اجلاس میں ڈالر کی قدر میں مسلسل اضافے کو روکنے سے متعلق امور پر مشاورت ہو گی۔ وزیراعظم کو غیر ضروری اشیاء کی امپورٹ پر پابندی سے متعلق فیصلے پر عملدرآمد رپورٹ پیش کی جائے گی۔ وزیراعظم کو امپورٹ ایکسپورٹ سے متعلق بھی صورتحال سے آگاہ کیا جائے گا۔