0
Friday 20 May 2022 22:25

سپریم کورٹ کے بعد الیکشن کمیشن کا فیصلہ قابل ستائش ہے، خرم نواز گنڈا پور 

سپریم کورٹ کے بعد الیکشن کمیشن کا فیصلہ قابل ستائش ہے، خرم نواز گنڈا پور 
اسلام ٹائمز۔ پاکستان عوامی تحریک کے سیکرٹری جنرل خرم نواز گنڈاپور نے کہا ہے کہ الیکشن کمیشن کا فیصلہ خوش آئند ہے، الیکشن کمیشن کے اس فیصلے سے وفاداریاں بدلنے کے غیر آئینی اقدام کی حوصلہ شکنی ہو گی۔ سپریم کورٹ کے فیصلے کے بعد الیکشن کمیشن کا فیصلہ قابل ستائش ہے۔ خرم نواز گنڈا پور نے کہا کہ امیدواروں کی سکروٹنی اگر آئین کے آرٹیکل 62 اور 63 کے مطابق ہو تو ایماندار نمائندے اسمبلیوں میں بھیجنے کے آئینی تقاضے پورے ہوں گے۔ بدقسمتی ہے کہ وفاداریاں بدلنے کے منفی سیاسی رحجان کے باعث ملک بدنام ہو رہا ہے۔

انہوں نے کہا کہ وفاداریاں تبدیل کرنے کے رحجان کے خاتمے کیلئے آئینی ترامیم کے باوجود وفاداریاں بدلنے کا کلچر انتہائی افسوسناک ہے۔ خرم نواز گنڈا پور نے مزید کہا کہ لوٹا کریسی کو جڑ سے ختم کرنے کیلئے مزید قانون سازی کی ضرورت ہے۔ سپریم کورٹ نے قانون سازی میں بہتری کے حوالے سے جو ریمارکس دیئے ہیں ان پر فوری عمل ہونا چاہیے۔ انہوں نے کہا کہ نااہلی کے فیصلے کے بعد پنجاب حکومت کے برقرار رہنے کا کوئی آئینی و اخلاقی جواز باقی نہیں رہتا۔
خبر کا کوڈ : 995235
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش