QR Code

پشاور میں چکن شاپ پر چھاپہ، 3 ہزار سے زائد مردہ مرغیاں برآمد

21 May 2022 22:58

فوڈ سیفٹی اتھارٹی کے مطابق چکن شاپ میں مردہ مرغیوں کو صاف کرکے گوشت تیار کیا جارہا تھا، مردہ مرغیوں کا گوشت مارکیٹ میں سپلائی کیا جاتا تھا۔

اسلام ٹائمز۔ پشاور میں فوڈ سیفٹی اتھارٹی کے چکن شاپ پر چھاپے کے دوران 3 ہزار سے زائد مردہ مرغیاں برآمد کرلی گئیں۔ خیبر پختونخوا فوڈ سیفٹی اتھارٹی نے پشاور کے علاقے باچا خان چوک میں کارروائی کرتے ہوئے 3 ہزار سے زائد مردہ مرغیاں برآمد کرلیں۔ فوڈ سیفٹی اتھارٹی کے مطابق چکن شاپ میں مردہ مرغیوں کو صاف کرکے گوشت تیار کیا جارہا تھا، مردہ مرغیوں کا گوشت مارکیٹ میں سپلائی کیا جاتا تھا۔ کارروائی میں چکن شاپ سیل کرکے سپلائی کے لئے استعمال ہونے والی گاڑی قبضے میں لے لی گئی۔ فوڈ اتھارٹی حکام کا کہنا ہے کہ مردہ مرغیوں کا کاروبار کرنے والے دکان مالکان کے خلاف مقدمہ درج کرلیا گیا ہے جبکہ دیگر ملوث افراد کے خلاف بھی تحقیقات کی جائیں گی۔

خبر کا کوڈ: 995432