QR Code
پولیس گیلنٹری میڈل سے شیر کشمیر کی شبیہ کو خذف کرنا حکمرانوں کی تنگ نظری ہے، فاروق عبداللہ
24 May 2022 23:11
انہوں نے کہا کہ شیر کشمیر کی پوری زندگی کشمیر، کشمیریت اور کشمیریوں کے مفادات کے لئے وقف تھی۔
اسلام ٹائمز۔ جموں و کشمیر نیشنل کانفرنس کے صدر ڈاکٹر فاروق عبداللہ نے حکومت کی طرف سے پولیس گیلنٹری میڈل سے شیر کشمیر شیخ محمد عبداللہ کی شبیہ ہذف کرنے کے احکامات پر شدید برہمی کا اظہار کیا ہے۔ انہوں نے کہا ہے کہ ان اقدامات سے شیر کشمیر کی شخصیت، شیر کشمیر کی لیڈرشپ اور شیر کشمیر کی مقبولیت پر آنچ نہیں آئے گی الٹا اُن عناصر کی رسوائی ہورہی ہے جو ایک ایسے شخص کے نام سے لرزہ کھا رہے ہیں جو 40 سال قبل فوت ہوچکے ہیں۔ ادھر پارٹی کے ریاستی ترجمان عمران نبی ڈار نے اپنے ایک بیان میں حکومت کے ان اقدامات کی شدید الفاظ میں مذمت کی جن کے ذریعے نیشنل کانفرنس اور اس کی قیادت کو انتقام گیری کا نشانہ بنایا جارہا ہے۔ انہوں نے کہا کہ شیر کشمیر کی پوری زندگی کشمیر، کشمیریت اور کشمیریوں کے مفادات کے لئے وقف تھی اور جو انہوں نے ریاستی عوام کے لئے حاصل کیا اُس کے نقوش یہاں کے لوگوں کے دلوں پر ہمیشہ قائم و دائم رہیں گے۔
خبر کا کوڈ: 995888