اسلام ٹائمز - خالد خورشید کیخلاف عدم اعتماد موخر

پیپلزپارٹی کے رکن صوبائی اسمبلی شہزاد آغا کے مطابق پارٹی کے سینئر رہنما و سابق وزیر اعلیٰ سید مہدی شاہ کی علالت کی وجہ سے عدم اعتماد کے عمل کو روکنے کا فیصلہ کیا گیا ہے۔

اسلام ٹائمز۔ پیپلزپارٹی نے وزیر اعلیٰ گلگت بلتستان خالد خورشید کیخلاف عدم اعتماد کی تحریک موخر کر دی۔ پیپلزپارٹی کے رکن صوبائی اسمبلی شہزاد آغا کے مطابق پارٹی کے سینئر رہنما و سابق وزیر اعلیٰ سید مہدی شاہ کی علالت کی وجہ سے عدم اعتماد کے عمل کو روکنے کا فیصلہ کیا گیا ہے۔ مہدی شاہ کی مکمل صحتیابی تک پارٹی کوئی سیاسی سرگرمی نہیں کریگی۔ یاد رہے کہ سابق وزیر اعلیٰ سید مہدی شاہ گزشتہ ایک ہفتے سے علیل ہیں۔ اس وقت وہ شفا ہسپتال اسلام آباد میں زیر علاج ہیں۔