اسلام ٹائمز - ٹرانسجینڈر بل پر مفتی گلزار احمد نعیمی کا خصوصی انٹرویو

ٹرانسجینڈر بل پر مفتی گلزار احمد نعیمی کا خصوصی انٹرویو

سربراہ جماعت اہل حرم کا خصوصی انٹرویو میں کہنا تھا کہ وہ مذہبی کارڈ کے استعمال کے انتہائی خلاف ہیں، کسی کی جان کو خطرے میں ڈالنا اور بغیر قرآنی نص اور احادیث سے استفادہ کئے فتویٰ نہیں دیا جا سکتا، میں عمران خان کے خلاف مذہبی کارڈ اور میاں جاوید لطیف کی پریس کانفرنس کی مذمت کرتا ہوں۔

شیخ الحدیث مفتی گلزار احمد نعیمی پنجاب کے ایک علمی گھرانے میں پیدا ہوئے۔ انہوں نے بارہ سال کی عمر میں قرآن پاک حفظ کیا۔ وہ مفتی اعظم پاکستان مفتی حسن نعیمی اور ڈاکٹر سرفراز نعیمی شہید کے شاگرد خاص ہیں۔ انہوں نے جامعہ نعیمیہ لاہور میں تعلیم کے دوران درس نظامی مکمل کیا، علاوہ ازیں مفتی صاحب نے پنجاب یونیورسٹی سے ماسٹرز بھی کیا۔ مفتی گلزار احمد نعیمی صاحب نے شہید سرفراز احمد نعیمی کے حکم پر 2002ء میں اسلام آباد میں جامعہ نعیمیہ کی بنیاد رکھی۔ اب تک وہ ہزاروں طلباء کو قرآن و سنت کی تعلیم سے آراستہ کرچکے ہیں۔ مفتی صاحب اتحاد بین المسلین کے حوالے سے اپنے نظریات کیلئے کافی شہرت رکھتے ہیں۔ انہوں نے متعدد ممالک کے علمی دورہ جات کئے، جن میں ایران اور اردن قابل ذکر ہیں۔ مفتی صاحب ملک کے معروف ٹی وی چینلز پر کئی ایک علمی مذاکروں میں شرکت کرچکے ہیں۔ وہ اہلسنت و الجماعت کی ملک گیر تنظیم کے مرکزی عہدیدار بھی ہیں۔ اسلام ٹائمز نے ٹرانس جینڈر بل اور مذہبی کارڈ کے استعمال پر ان سے ایک خصوصی انٹرویو کیا ہے، جو پیش خدمت ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial