اسلام ٹائمز - ہنگو میں ’’نورانی محفل قرآن‘‘ کے انعقاد پر ویڈیو رپورٹ

ہنگو میں ’’نورانی محفل قرآن‘‘ کے انعقاد پر ویڈیو رپورٹ

اسلام ٹائمز: اس نورانی محفل میں بڑی تعداد میں مدیر اعلیٰ جامعہ العسکریہ ہنگو علامہ خورشید انور جوادی، مجلس علمائے مکتب اہلبیتؑ کے رہنماء علامہ سید عبدالحسین الحسینی، شیعہ علماء کونسل کے صوبائی رہنماء علامہ حمید حسین امامی اور علامہ سید عامر حیدر شمسی سمیت علمائے کرام، بچوں اور بزرگوں سمیت عوام بڑی تعداد میں شرکت کر رہے ہیں۔

رپورٹ: سید عدیل زیدی

ماہ مبارک رمضان میں خیبر پختونخوا کی معروف اور قدیمی دینی درس گاہ جامعہ العسکریہ ہنگو کی طرف سے روزانہ کی بنیاد پر ’’نورانی محفل قرآن‘‘ کا اہتمام کیا جا رہا ہے، جس کا مقصد انسان کی کلام الٰہی سے قربت پیدا کرنا ہے، اس نورانی محفل میں بڑی تعداد میں مدیر اعلیٰ جامعہ العسکریہ ہنگو علامہ خورشید انور جوادی، مجلس علمائے مکتب اہلبیتؑ کے رہنماء علامہ سید عبدالحسین الحسینی، شیعہ علماء کونسل کے صوبائی رہنماء علامہ حمید حسین امامی اور علامہ سید عامر حیدر شمسی سمیت علمائے کرام، بچوں اور بزرگوں سمیت عوام بڑی تعداد میں شرکت کر رہے ہیں۔ یکم رمضان المبارک سے روزانہ قرآن مجید کے ایک پارے کی تلاوت کی جاتی ہے، جس کے بعد علمائے کرام ترجمعہ اور تفسیر بیان کرتے ہیں۔ گذشتہ روز 10 رمضان المبارک کو قاری منہال قمبر مشہدی اور جامعۃ شہید عارف الحسینی پشاور کے طالب علم جہانزیب علی نے خوبصورت اور دلنشین آواز میں تلاوت قرآن پاک کا شرف حاصل کرتے ہوئے سامعین کے دلوں کو مسخر کیا، جبکہ علامہ مختار علی جعفری نے ترجمہ و تفسیر بیان کی۔ مزید احوال اس ویڈیو رپورٹ میں ملاحظہ فرمائیں۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/c/IslamtimesurOfficial