اسلام ٹائمز - پاکستانی شعراء کا مظلوم فلسطینیوں سے اظہار یکجہتی، ویڈیو رپورٹ

دستہ امامیہ کراچی کے تحت ’آزادی بیت المقدس‘ محفل مشاعرہ

پاکستانی شعراء کا مظلوم فلسطینیوں سے اظہار یکجہتی، ویڈیو رپورٹ

اسلام ٹائمز: شعراء کرام میں صدر محفل فراست رضوی، ندیم نقوی، قیصر عباس قیصر، ڈاکٹر جعفر عسکری، زین جعفری، ڈاکٹر زین اعظمی، بابر عسکری، رضوان نقوی، فرحان جعفری پیکر، اختر کلیم، ندیم اختر، زین رضا، حیدر رضوی، احسان رضوی، غضنفر زیدی، ارسلان علی رضوی، سچل عباس شیرازی و دیگر شامل تھے۔

رپورٹ: سید ظفر جعفری

دستہ امامیہ آئی ایس او کراچی ڈویژن کی جانب سے فلسطینی مجاہدین اور شہداء کی عظیم قربانیوں کو خراج عقیدت پیش کرنے کیلئے ایک شاندار محفل مشاعرہ بعنوان آزادی بیت المقدس کا اہتمام کیا گیا۔ معروف شاعر فراست رضوی کی زیر صدارت محفل مشاعرہ کا انعقاد امام خمینی لائبریری جعفرطیار سوسائٹی میں کیا گیا۔ محفل مشاعرہ کے شعراء کرام صدر محفل فراست رضوی میں ندیم نقوی، قیصر عباس قیصر، ڈاکٹر جعفر عسکری، زین جعفری، بابر عسکری، رضوان نقوی، فرحان جعفری پیکر، اختر کلیم، زین رضا، ارسلان علی رضوی، سچل عباس شیرازی، جری زیدی و دیگر شامل تھے۔ اس موقع پر شاہد علی شاہد و جری سجاد نقوی نے ترانہ شہادت بھی پیش کئے۔ محفل مشاعرہ میں نظامت کے فرائض ماہر نقوی نے انجام دیئے۔ محفل مشاعرہ میں شریک تمام شعراء نے فلسطینی مجاہدین کو منظوم خراج عقیدت پیش کرتے ہوئے ان کے ساتھ مکمل یکجہتی کا اظہار کیا۔ شعراء کراچی نے شہید قدس جنرل قاسم سلیمانی کو بھی شاندار الفاظ میں خراج تحسین پیش کیا۔ شعراء کرام نے فلسطین کے مظلوم عوام کے حق میں غاصب اسرائیلی حکومت اور اس کے ہمنوا مغربی ممالک کے انسانیت سوز مظالم کے خلاف صدائے احتجاج بلند کی اور ان مظالم پر بعض اسلامی و عرب ممالک کی مجرمانہ خاموشی کی شدید مذمت کی۔ مشاعرے کے آخر میں شرکاء نے فلسطینی مجاہدین اور تحریک آزادی فلسطین کی کامیابی کیلئے دعا بھی کی۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial