QR Code

وحدت امت اسلامیہ کی اہمیت و افادیت پر سید شریف الحق بخاری کا خصوصی ویڈیو انٹرویو

24 Nov 2020 15:24

جنوبی کشمیر کے میرواعظ و مسلم پرسنل لاء بورڈ کے سینیئر رہنماء کا "اسلام ٹائمز‘‘ کیساتھ خصوصی انٹرویو میں کہنا تھا کہ سعودی عرب تمام مسلمانوں کیلئے مرکز کی حیثیت رکھتا ہے، وہاں کے حکمرانوں کو مسلمانوں کے مسائل حل کرنے اور انہیں متحد کرنے میں اپنی ذمہ داریاں انجام دینی چاہیئے لیکن افسوس کہ وہ مسلکی منافرت پھیلانے اور اپنی کرسی کو تحفظ فراہم کرنے میں لگے ہوئے ہیں۔

مولانا سید شریف الحق بخاری کا تعلق مقبوضہ کشمیر کے جنوبی ضلع بارہمولہ سے ہے۔ مولانا سید شریف الحق بخاری سالہا سال سے خانقاہ مرادیہ کریری میں تبلیغی ذمہ داریاں انجام دے رہے ہیں۔ وہ جنوبی ضلع بارہمولہ کے میرواعظ ہونے کیساتھ ساتھ جموں و کشمیر مسلم پرسنل لاء بورڈ کے سینیئر رہنماء بھی ہیں۔ وحدت امت میں کریری کے سادات کا اہم ترین رول رہا ہے۔ اسلام ٹائمز کیساتھ اپنے خصوصی انٹرویو میں مولانا سید شریف الحق بخاری کا کہنا تھا کہ مسلمانوں میں باہمی وحدت وقت کی اہم ترین ضرورت ہے۔ انہوں نے کہا کہ سعودی عرب تمام مسلمانوں کیلئے مرکز کی حیثیت رکھتا ہے، وہاں کے حکمرانوں کو مسلمانوں کے مسائل حل کرنے اور انہیں متحد کرنے میں اپنی ذمہ داریاں انجام دینی چاہیئے لیکن افسوس کہ وہ مسلکی منافرت پھیلانے اور اپنی کرسی کو تحفظ فراہم کرنے میں لگے ہوئے ہیں۔ انہوں نے کہا کہ وادی کشمیر کا معتبر ادارہ مسلم پرسنل لاء بورڈ وحدت امت میں ہمیشہ پیش پیش رہا ہے اور آئندہ بھی یہ ادارہ مفتی ناصر الاسلام کی قیادت میں فعال رہیگا۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/channel/UCnodHW8xrEdtL-iNo9nrjhQ

خبر کا کوڈ: 899533