QR Code

ایم ڈبلیو ایم کے مرکزی ڈپٹی سیکرٹری جنرل ناصر عباس شیرازی کا انٹرویو

3 Dec 2020 19:46

مجلس وحدت مسلمین کے مرکزی ڈپٹی سیکرٹری جنرل کا کہنا تھا کہ گذشتہ الیکشن سے بہت کچھ سیکھا ہے، اس بار ہم حکومتی اتحاد کا حصہ بنے ہیں اور ایک وزیر، ایک مشیر اور خاتون کی مخصوص نشست لینے میں کامیاب ہوئے ہیں۔ ہماری سیاست کا محور و مقصد بےآئین خطے کو اس کے حقوق دلانا ہیں، ان شاء اللہ جلد ہی یہ علاقہ مرکزی دھارے میں ہوگا اور سینیٹ اور پارلیمان میں اس کی نمائندگی ہوگی۔

مجلس وحدت مسلمین پاکستان کے مرکزی ڈپٹی سیکرٹری جنرل سید ناصر عباس شیرازی پیشہ کے اعتبار سے قانون دان اور اسلام آباد میں پریکٹس کرتے ہیں۔ قبل ازیں وہ ایم ڈبلیو ایم میں مرکزی سیکرٹری سیاسیات کے عہدے پر بھی کام کرچکے ہیں، آجکل ایک تھنک ٹینک چلا رہے ہیں اور بطور صدر کام کر رہے ہیں۔ امامیہ اسٹوڈنٹس آرگنائزیشن پاکستان کے مرکزی صدر بھی رہ چکے ہیں، جبکہ انکا بنیادی تعلق پنجاب کے معروف ضلع سرگودھا سے ہے۔ انہوں نے تاریخ، بین الاقوامی تعلقات اور قانون میں ایم فل کیا ہے۔ آئی ایس او پاکستان کی مرکزی صدارت کے دوران متحدہ طلبہ محاذ کی قیادت بھی کرتے رہے ہیں۔ سید ناصر شیرازی ملکی اور عالمی حالات پر گہری نظر رکھنے والے تجزیہ کار ہیں، وہ اپنی تحریر و تقریر میں حقائق کی بنیاد پر حالات کا نہایت درست اور عمیق تجزیہ پیش کرتے ہیں، یہی وجہ ہے کہ انٹرنیشنل ریلیشنز اور کرنٹ افیئرز سے دلچسپی رکھنے والے حلقوں میں انہیں بڑی پذیرائی حاصل ہے۔ اسلام ٹائمز نے سید ناصر عباس شیرازی کیساتھ خصوصی گفتگو کا اہتمام کیا ہے، جس میں گلگت بلتستان الیکشن کی تازہ صورتحال اور ایران میں نامور سائنسدان کے قتل کے بعد پیدا ہونیوالی صورتحال کا جائزہ لیا گیا ہے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/channel/UCnodHW8xrEdtL-iNo9nrjhQ

خبر کا کوڈ: 901456