Wednesday 23 Jun 2021 22:33

ایران میں نیا انقلاب آچکا ہے، سید ناصر عباس شیرازی کا خصوصی انٹرویو

Name: ایران میں نیا انقلاب آچکا ہے، سید ناصر عباس شیرازی کا خصوصی انٹرویو
Uploaded: 2024-04-25 14:43

اسلام ٹائمز سے اپنے خصوصی انٹرویو میں ایم ڈبلیو ایم کے مرکزی ڈپٹی سیکرٹری جنرل کا کہنا تھا کہ پابندیوں کے باوجود ایران نے ترقی کا سفر کیا ہے۔ خطے میں ایران کے اہم کردار کے باعث امریکی طاقت کا غرور خاک میں مل رہا ہے۔ امریکہ کو ایران کے عوام کا جمہوری فیصلہ قبول کرنا ہوگا۔ ایک سوال کے جواب میں ان کا کہنا تھا امریکہ کی ایران پر پابندیاں بے اثر ہوچکی ہیں۔ نئی ایرانی قیادت امریکہ کے دوہرے معیارات کو ناکام کرے گی۔ ایران میں ایک نیا انقلاب آچکا ہے۔ جو انقلابیوں کو متحد کرے گا۔ ایرانی صدر کے انتخاب سے دنیا میں مقاومتی بلاک مضبوط ہوگا۔ ان کا ایک سوال کے جواب میں کہنا تھا کہ نئے ایرانی صدر کے انتخاب سے چین، پاکستان اور ایران کے تعلقات مضبوط ہونگے۔

متعلقہ فائیلیںمجلس وحدت مسلمین پاکستان کے مرکزی ڈپٹی سیکرٹری جنرل سید ناصر عباس شیرازی پیشہ کے اعتبار سے قانون دان اور لاہور ہائیکورٹ میں پریکٹس کرتے ہیں۔ قبل ازیں وہ ایم ڈبلیو ایم میں مرکزی سیکرٹری سیاسیات کے عہدے پر بھی کام کرچکے ہیں، آجکل ایک تھنک ٹینک چلا رہے ہیں اور بطور چیئرمین کام کر رہے ہیں۔ امامیہ اسٹوڈنٹس آرگنائزیشن پاکستان کے مرکزی صدر بھی رہ چکے ہیں، جبکہ انکا بنیادی تعلق پنجاب کے معروف ضلع سرگودھا سے ہے۔ انہوں نے تاریخ، بین الاقوامی تعلقات اور قانون میں ایم فل کیا ہے۔ آئی ایس او پاکستان کی مرکزی صدارت کے دوران متحدہ طلبہ محاذ کی قیادت بھی کرتے رہے ہیں۔ سید ناصر شیرازی ملکی اور عالمی حالات پر گہری نظر رکھنے والے تجزیہ کار ہیں، وہ اپنی تحریر و تقریر میں حقائق کی بنیاد پہ حالات کا نہایت درست اور عمیق تجزیہ پیش کرتے ہیں، یہی وجہ ہے کہ انٹرنیشنل ریلیشنز اور کرنٹ افیئرز سے دلچسپی رکھنے والے حلقوں میں انہیں بڑی پذیرائی حاصل ہے۔ اسلام ٹائمز نے سید ناصر عباس شیرازی کیساتھ خصوصی گفتگو کا اہتمام کیا ہے۔ایرانی صدر ابراہیم رئیسی کے انتخاب اور پاک ایران تعلقات کے تناظر میں خصوصی گفتگو ناظرین کیلئے پیش خدمت ہے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/c/IslamtimesurOfficial/videos

ایران میں نیا انقلاب آچکا ہے، سید ناصر عباس شیرازی کا خصوصی انٹرویو

تازہ ترین

مقبول ترین

ہاٹ نیوز

پربحث ترین