پاکستان کے ایوان بالا کے چیئرمین صادق سنجرانی نے ایوان صنعت و تجارت کراچی کا دورہ کیا۔ تاجروں سے خطاب میں انہوں نے کہا کہ افغانستان میں امن خطے کے لئے ضروری ہے، افغانستان میں امن کے لئے پاکستان اپنا کردار ادا کر رہا ہے۔ صادق سنجرانی نے کہا کہ گوادر سرمایہ کاری کے لئے بہترین ہے، کراچی کے صنعت کار گوادر میں سرمایہ کاری کریں۔ انہوں نے کہا کہ کراچی کے صنعت کاروں کے مسائل کے حل کے لئے کمیٹیز کے لوگ چیمبر سے رابطہ کریں گے۔ ایوان صنعت و تجارت کراچی کے صدر شارق وہرہ نے کہا کہ سینٹ چیئرمین کو یہاں آنے پر خوش آمدید کہتے ہیں یہ اچھا موقع ہے کہ ہم اپنی آواز ایوان بالا تک پہنچا سکیں۔