اسلام ٹائمز - القدس ریلی، ڈی آئی خان

ریلی سے خطاب کرتے ہوئے علامہ محمد رمضان توقیر نے کہا کہ اقوام متحدہ سمیت عالمی اداروں کو فلسطین میں ہونے والے مظالم کیوں نظر نہیں آتے، انہوں نے کہا کہ پوری دنیا کے امن پسند عوام فلسطین کی آزادی کا مطالبہ کرتے ہیں، جب تک آزادی فلسطین کا مسئلہ حل نہیں ہوتا اس وقت تک دنیا میں پائیدار امن کا قیام مشکل ہے۔

اسلام ٹائمز۔ پاکستان بھر کی طرح ڈیرہ اسماعیل خان میں بھی یوم القدس ملی جوش و جذبے سے منایا گیا۔ جمعۃ الوداع کے موقع پر نماز جمعہ کے بعد کوٹلی امام حسین (ع) میں سے القدس ریلی شیعہ علماء کونسل پاکستان کے زیراہتمام برآمد ہوئی، جو کہ سرکلر روڈ پہ پہنچ کر احتجاجی مظاہرے میں بدل گئی۔ ریلی کی قیادت شیعہ علماء کونسل کے مرکزی نائب علامہ محمد رمضان توقیر نے کی۔ ریلی میں مدرسے کے طالب علموں سمیت شہریوں کی بڑی تعداد نے شرکت کی۔ ریلی سے خطاب کرتے ہوئے علامہ محمد رمضان توقیر نے کہا کہ اقوام متحدہ سمیت عالمی اداروں کو فلسطین میں ہونے والے مظالم کیوں نظر نہیں آتے، انہوں نے کہا کہ پوری دنیا کے امن پسند عوام فلسطین کی آزادی کا مطالبہ کرتے ہیں، جب تک آزادی فلسطین کا مسئلہ حل نہیں ہوتا اس وقت تک دنیا میں پائیدار امن کا قیام مشکل ہے۔