QR Code

جب تک ملک آئین کے مطابق نہیں چلے گا، بہتری نہیں آئے گی، محمود خان اچکزئی

25 Apr 2024 22:24

تحریک تحفظ آئین پاکستان کے سربراہ کا کہنا تھا کہ جب تک پارلیمنٹ بالادست نہیں ہوگی، تب تک صورتحال یہی رہے گی۔ محمود خان اچکزئی نے کہا ہم نے ایک کمیٹی تشکیل دی ہے، جس میں ہر جماعت سے ایک ایک رکن شامل ہوگا۔

اسلام ٹائمز۔ محمود خان اچکزئی نے کہا ہے کہ پاکستان ایک بحران سے گزر رہا ہے۔ ہمارا موقف ہے کہ جب تک ملک آئین کے مطابق نہیں چلے گا، بہتری نہیں آئے گی۔ تحریک تحفظ آئین پاکستان میں شامل جماعتوں کے قائدین نے اسلام آباد میں مشترکہ پریس کانفرنس کی۔ اس موقع پر سینیئر سیاست دان محمود خان اچکزئی نے کہا کہ یہ اتحاد کسی ادارے کے خلاف نہیں، یہ اتحاد کسی ادارے کے خلاف نفرت نہیں پھیلا رہا۔

محمود خان اچکزئی نے کہا جب تک پارلیمنٹ بالادست نہیں ہوگی، تب تک صورتحال یہی رہے گی۔ محمود خان اچکزئی نے کہا ہم نے ایک کمیٹی تشکیل دی ہے، جس میں ہر جماعت سے ایک ایک رکن شامل ہوگا۔ انھوں نے کہا کہ 8 فروری کو انتخابات پی ٹی آئی جیت چکی ہے۔ سچ بولنے سے شہباز بھائی ناراض ہوتے ہیں، شہباز شریف نے کہا ہے ملکر مسائل حل کرتے ہیں

خبر کا کوڈ: 1131155