آزاد کشمیر، امن و امان کیلئے مزید 6 پلاٹون سول آرمڈ فورسز کی تعیناتی

اسلام ٹائمز۔ آزاد کشمیر میں امن و امان کیلئے مزید 6 پلاٹون سول آرمڈ فورسز کی تعیناتی کا نوٹیفکیشن جاری کردیا گیا۔ مظفر آباد سے جاری نوٹیفکیشن کے مطابق حکومت آزاد کشمیر کی درخواست پر فرنٹیئر کانسٹیبلری کو تعینات کیا جا رہا ہے۔ نوٹیفیکیشن کے مطابق ایف سی 3 ماہ تک آزاد کشمیر میں تعینات رہے گی۔نوٹیفیکیشن کے مطابق سول آرمڈ فورسز کی تعیناتی کے اخراجات حکومت آزاد کشمیر ادا کرے گی۔ سیکرٹری اطلاعات انصر یعقوب کا کہنا ہے کہ آزاد کشمیر میں پنجاب کانسٹیبلری تعینات نہیں کی گئی۔