مغربی کنارے کے جنین کیمپ پر اسرائیلی ہوائی حملہ، 1 شہید 8 زخمی

غاصب صیہونی فوج نے دعوی کیا کہ نشانہ بنایا جانے والا فلسطینی مزاحمتکاروں کا گروہ مستقبل قریب میں مزاحمتی آپریشن کے لئے، جنین کے ایک گھر میں ٹائم بم نصب کر رہا تھا۔

غاصب صیہونی رژیم کی جانب سے قبل ازیں بھی مغربی کنارے میں ہوائی حملے کئے جاتے رہے ہیں لیکن اس حملے کو اپنی نوعیت میں منفرد قرار دیا جا رہا ہے۔

مغربی کنارے پر غاصب صیہونی فوج کے روزانہ زمینی حملوں کے باوجود، 7 اکتوبر کو شروع ہونے والے فلسطینی مزاحمتی آپریشن طوفان الاقصی کے بعد سے غاصب صیہونی رژیم اسرائیل نے صرف مغربی کنارے کے مختلف علاقوں پر ہی دسیوں بار ہوائی حملے کئے ہیں۔

اس حملے کا حوالہ دیتے ہوئے فلسطینی وزارت صحت نے اعلان کیا ہے کہ جنین کیمپ کے ایک گھر پر ہونے والے اسرائیلی ہوائی حملے کے نتیجے میں کم از کم 1 فلسطینی شہری شہید اور 8 زخمی ہوئے ہیں۔