آئی ایس ایف کارکنان کرغزستان میں پھنسے پاکستانیوں کیلئے آواز بلند کریں، خالد خورشید

اسلام ٹائمز۔ تحریک انصاف گلگت بلتستان کے صدر و سابق وزیر اعلیٰ خالد خورشید نے ایک بیان میں کہا ہے کہ کرغستان میں گزشتہ رات ہونے والی ہنگامہ آرائی تشویشناک ہے، ہنگامہ آرائی کے بعد سے تقریباً 10 ہزار سے زائد پاکستانی طلباء کرغستان میں پھنسے ہوئے ہیں۔ کرغستان میں پھنسے پاکستانی طلباء کی جان و مال کو خطرہ ہے۔ واقعہ کے حوالے سے جو اطلاعات موصول ہو رہی ہیں وہ انتہائی تشویشناک ہیں۔ افسوس کی بات ہے مینڈیٹ چور جعلی حکومت داخلی اور خارجی امور ادا کرنے کی بھی اہل نہیں۔ اس تمام صورتحال میں عمران خان کی کمی شدت سے محسوس ہو رہی ہے۔