اسلام ٹائمز۔ بیروت میں سعودی عرب کے سفارت خانے نے اپنے شہریوں کو لبنان چھوڑنے کی ہدایت کر دی ہے۔ سعودی سفارت خانے کے اعلامیے میں کہا گیا ہے کہ سعودی شہری امن و امان کی خراب صورتحال کے پیش نظر لبنان سے چلے جائیں۔ اگر فوری طور پر جانا ممکن نہ ہو تو تمام احتیاطی تدابیر اختیار کی جائیں۔ غیرملکی نیوز ایجنسی کے مطابق منگل کو بیروت میں ایرانی سفارتخانے کے قریب دو دھماکوں میں 25 افراد ہلاک ہو گئے تھے۔ واقعے کے بعد حزب اللہ کے حامی بعض ذرائع ابلاغ نے سعودی عرب کے اس واقعے میں ملوث ہونے کا خدشہ ظاہر کیا ہے۔