QR Code

افغانستان میں خودکش حملے میں 6 نیٹو اہلکاروں سمیت 18 افراد ہلاک

8 Jul 2014 20:37

اسلام ٹائمز: خدشہ ظاہر کیا جا رہا ہے کہ خودکش حملہ آور غیر ملکی فورسز کو ہی نشانہ بنانے آیا تھا جس کےدوران شہریوں کی بھی ہلاکتیں ہوئیں تاہم کسی گروپ کی جانب سے حملے کی ذمہ داری قبول نہیں کی گئی۔

اسلام ٹائمز۔ افغانستان میں خودکش حملے کے نتیجے میں 6 نیٹو اہلکاروں سمیت 18 افراد ہلاک ہو گئے۔ غیر ملکی خبر رساں ادارے کے مطابق افغانستان کے شمالی صوبے پروان میں خودکش حملہ آور نے شہری علاقے میں خود کو دھماکے سے اڑا لیا جس کے نتیجے میں نیٹو فورسز کے 6 اہلکاروں سمیت 2 افغان پولیس اہلکار اور 10 شہری ہلاک ہو گئے۔ خودکش حملے کے فوری بعد سکیورٹی فورسز نے علاقے کو گھیرے میں لیتے ہوئے سرچ آپریشن شروع کر دیا جبکہ جائے وقوعہ سے حملہ آور کے اعضا بھی جمع کر لیے۔ خدشہ ظاہر کیا جا رہا ہے کہ خودکش حملہ آور غیر ملکی فورسز کو ہی نشانہ بنانے آیا تھا جس کےدوران شہریوں کی بھی ہلاکتیں ہوئیں تاہم کسی گروپ کی جانب سے حملے کی ذمہ داری قبول نہیں کی گئی۔

خبر کا کوڈ: 398156