QR Code

زندہ قومیں اپنے شہداء کو بھلایا نہیں کرتیں، علامہ رمضان توقیر

11 Oct 2014 19:34

اسلام ٹائمز: ڈی آئی خان کے شہداء کے خانوادگان میں عیدی تقسیم کرنے کے موقع پر ایس یو سی خیبر پختونخوا کے صدر کا کہنا تھا کہ شہید کی جو موت ہے وہ قوم کی حیات ہے، شہید اپنی جان کا نذرانہ پیش کرکے قوم کو حیات بخشتا ہے۔

اسلام ٹائمز۔ شیعہ علماء کونسل خیبر پختونخوا کے صدر علامہ محمد رمضان توقیر نے ڈیرہ اسماعیل خان کے شہداء کے خانوادوں میں عید قرباں کی مناسبت سے عیدی تقسیم کی، اس موقع پر علماء کرام، تنظیمی مسئولین اور کارکنان بھی موجود تھے، علامہ محمد رمضان توقیر نے شہداء کے خانوادوں سے گفتگو کرتے ہوئے کہا کہ زندہ قومیں اپنے شہداء کو کبھی نہیں بھلایا کرتیں، کیونکہ شہید کی جو موت ہے وہ قوم کی حیات ہے۔ شہید اپنی جان کا نذرانہ پیش کرکے قوم کو حیات بخشتا ہے۔ اس موقع پر شہداء کے ورثاء نے علامہ ساجد نقوی، علامہ محمد رمضان توقیر اور زہرا (س) اکیڈمی کے ذمہ داران کا شکریہ ادا کیا۔

خبر کا کوڈ: 414177