اسلام ٹائمز۔ پنجاب کے وزیراعلیٰ میاں شہباز شریف نے کہا ہے کہ نئے صوبوں کے معاملے پر پارلیمانی اتفاق رائے حاصل کیا جانا چاہیے، لندن کے ہیتھرو ایئرپورٹ پر میڈیا سے بات چیت کرتے ہوئے انہوں نے کہا کہ دھرنوں سے ہونے والا نقصان نسلیں چکاتی رہیں گی، قوم کو چاہیے کہ وہ دھرنا دینے والوں کو معاف نہ کرے۔ وزیراعلیٰ پنجاب نے نئے صوبوں کے قیام کے بارے میں نون لیگ کا موقف بھی واضح کیا اور کہا کہ اس معاملہ پر پارلیمانی اتفاق رائے پیدا کرنا چاہئے۔