Islam Times - Vaşinqtonun İsraillə işbirliyinə etiraz olaraq San-Fransisko Beynəlxalq Hava Limanında aksiya keçirildi

Vaşinqtonun İsraillə işbirliyinə etiraz olaraq San-Fransisko Beynəlxalq Hava Limanında aksiya keçirildi

IslamTimes - ABŞ-da yaşayan yüzlərlə Fələstin tərəfdarı çərşənbə günü gecə San-Fransisko Beynəlxalq Hava Limanında ABŞ-ın İsrailə hərbi yardımına etiraz olaraq oturaq aksiya keçirib.

Yüzlərlə Fələstin tərəfdarı çərşənbə günü ABŞ-dakı "San-Fransisko Beynəlxalq Hava Limanı"nın bir hissəsini bağlayıb və bununla da Amerikanın işğalçı İsrailə hərbi yardımı və Qəzzada atəşkəs elan edilməməsinə etirazlarını bildiriblər.

"Anadolu" xəbər agentliyi bildirib ki, etirazçıların əllərində "İsraili silahlandırmaqdan əl çəkin" yazılmış plakatlar olub.
Etirazçılar həmçinin Fələstin bayraqları da dalğalandırıblar.

Qeyd edək ki, işğalçı İsrailin Qəzzada törətdiyi cinayətlər ABŞ-ın böyük şəhərlərində genişmiqyaslı nümayişlər keçirilməsinə səbəb olub. İndiyə qədər Qəzzada əksəriyyəti qadın və uşaqlar olmaqla 31 mindən çox fələstinli şəhid olub və şəhərdə çoxlu dağıntılar var.