Islam Times - Məhərrəm-Səfər hazırlıqları - Quba

İslamtimes - Hər il olduğu kimi, Əhli-beyt (ə) vətəni Azərbaycanda da əzadarlıq mərasimlərinə hazırlıqlar başlayıb.

Məhərrəm-Səfər əyyamı yaxınlaşmaqdadır. Bir neçə günə bütün dünyanın Əhli-beyt (ə) sevərləri özlərini Kərbəla ətri ilə ətirləməyə daha çox səy edəcəklər. Hər il olduğu kimi, Əhli-beyt (ə) vətəni Azərbaycanda da əzadarlıq mərasimlərinə hazırlıqlar başlayıb.

Qubadakı mərasim hazırlıqlarından Deyerler.Org-a danışan rayonun “Cəfər” məscidinin imam-camaatı Hacı Mir Əliəsgər Ağa Mir Məhəmmədov deyib: “Bismilləhir-Rahmənir-Rahim! Əhli-beyt (ə) dostları olan camaatımız həmişə Əhli-beyt (ə) təziyəsini yaşadır. Əsasən Aşura günü camaatımız daha sıx olur, sair günlərdə də insanlarımız məscidlərdə bu mərasimləri saxlayır. Mərsiyələr oxunur, mənbər qoyulur, rövzələr deyilir. İnşallah, İmam Hüseynin (ə) əzadarlıq mərasimlərini həmişə necə keçirmişik, bu il də elə keçirəcəyik”.