QR Code
BMT Suriyada sülhyaratma əməliyyatına hazırlaşır
28 Mar 2013 08:50
IslamTimes - BMT Suriyada sülhyaratma əməliyyatına hazırlığını davam etdirir və ümid edir ki, hökumət və müxalifət danışıqlara başlayanda siyasi prosesə dəstək lazım olacaq.
APA-nın İTAR-TASS-a istinadən verdiyi məlumata görə, bu barədə BMT baş katibinin müavini Erve Ladsus məlumat verib.
«Təəssüf ki, Suriya böhranının sülh yolu ilə nizamlanmasında heç bir irəliləyiş yoxdur, siyasi proses başlamayıb. Buna baxmayaraq, biz qəflətən vəziyyət dəyişsə, hazır olmaq üçün işimizi davam etdiririk», deyə o bildirib.
Erve Ladsus Suriyada baş verənləri «dəhşətli faciə» adlandırıb, lakin ümid etdiyini bildirib ki, münaqişə edən tərəflər nəhayət öz hərəkətlərinin mənasızlığını və onların dəhşətli nəticələrini anlayacaqlar.
«Biz inanırıq ki, BMT və ƏDL-nın birgə nümayəndəsi Lahdar İbrahiminin vasitəçilik missiyası uğurlu olacaq», deyə o əlavə edib.
Story Code: 249501