QR Code

İlqar İbrahimoğlu Avropa Komissiyasının dəvətilə Brüsselə yola düşür

15 Apr 2013 08:23

IslamTimes - DEVAMM sədri, insan haqları müdafiəçisi Hacı ilqar İbrahimoğlu Avropa İttifaqının insan haqları və demokratiya qurumu olan EIDHR-ın dəvəti ilə Brüsselə yola düşür.

Brüsseldə Avropa Komissiyasının və EIDHR-ın təşkil etdiyi bu konfransın əsas mövzusu - insan haqları, o cümlədən, dini etiqad azadlığı, demokratik proseslərin tədqiqatlarının müzakirəsi ilə bağlı olacaq.

Konfransın plenar iclaslarında müasir dünyada insan haqları və demokratiya müstəvisində tendensiyalar təhlil ediləcək, qarşılıqlı əməkdaşlığın möhkəmləndirilməsi yolları müzakirə ediləcək, dini etiqad və vicdan azadlıqlarının müdafiəsi ilə bağlı problemlər araşdırılacaq, bu məsələlər ətrafında qabaqcıl təcrübə üzrə rəy mübadiləsi aparılacaqdır. İnsan haqlarının müdafiəsi müstəvisində hansı üsul və vasitələrin daha effektiv olması, işlək mexanizmlərin qiymətləndirilməsinin obyektiv meyarları da panellərdə təhlil ediləcəkdir.

Konfransın panellərinin birində Bəhreyndə insan haqlarının pozulması da müzakirə ediləcəkdir.

Bundan əlavə, söz azadlığı, jurnalist fəaliyyətinin azadlığının təmin olunması, insan haqlarının təmini üzrə instrumentarilərin qiymətləndirilməsi üzrə də müzakirələr aparılacaqdır.

Story Code: 254264