Yaponiyada ABŞ əleyhinə oturaq etiraz aksiyası keçirilib
4 Aug 2013 16:11
IslamTimes - ABŞ-ın Okinava adasındakı Futemma hava bazası qarşısında "MV-22 Osprey" əlavə konvertoplanlarının yerləşdirilməsi əleyhinə mitinq keçirilib
200-ə yaxın insanın iştirak etdiyi oturaq aksiya polis tərəfindən dağıdılıb. ABŞ Yaponiyadakı bazalarda 36 konvertoplan yerləşdirməyi planlaşdırır.
Son məlumata görə, bu 36 konvertoplanlardan 2-si artıq Okinava istiqamətinə yola düşüb.
Xatırladaq ki, keçən ilin oktyabrında amerikalı hərbçilər "MV-22 Osprey" konvertoplanlarının Futemma bazasına köçürülməsinə başlayanda, yerli əhalinin və əyalət rəhbərliyinin etirazları ilə üz-üzə qalmalı olmuşdular.
Həm sakinlər, həm də Okinavanın valisi Hirokadzu Nakaima konvertoplanların istifadəsinin nə qədər təhlükəsiz olduğuna şübhə ilə yanaşaraq onların yerləşdirilməsinin kəskin əleyhinədir.
/islamazeri/
Story Code: 289685