Bəhreyndə kütləvi iğtişaşlar baş verib
14 Feb 2014 22:57
IslamTimes - Bəhreynin paytaxtı Manama və ölkənin digər şəhərlərində yüzlərlə insan “ərəb baharı”nı qeyd etmək məqsədilə küçələrə çıxıb.
APA-nın “İnterfaks” agentliyinə istinadən verdiyi xəbərə görə, Manamada nümayişçilər və polis arasında toqquşmalar baş verib. Nümayişçilərə qarşı gözyaşardıcı qazdan istifadə edilib, bir neçə nəfərin yaralandığı bildirilir.
Ölkənin müxalifətçi “Əl-Vefaq” partiyası tərəfdarlarını “ərəb baharı”nın üçilliyini qeyd etmək üçün küçələrə çıxmağa çağırıb.
Bir gün əvvəl hüquq mühafizə orqanları 29 nəfəri etiraz aksiyalarında iştirak etdiklərinə görə həbs edib.
Story Code: 351724