Abdel Fəttah əl-Sisi Misirdə prezident seçkilərinin qalibi olub
4 Jun 2014 10:27
IslamTimes - Misirin keçmiş müdafiə naziri, qanuni prezidenti hərbi çevrilişlə aradan götürən general Abdel Fəttah əl-Sisi ölkədə keçirilmiş prezident seçkilərinin qalibi olub.
APA-nın “Röyters”ə istinadən verdiyi xəbərə görə, müvafiq bəyanatı Misirin Mərkəzi Seçki Komissiyası yayıb.
Məlumata görə, Abdel Fəttah əl-Sisi 96,91% səs toplayıb. Onun əsas rəqibi Həmdin Səbbahi isə seçicilərin 3,09 faizinin etimadını qazana bilib.
MSK-nın məlumatında həmçinin bildirilib ki, səsvermədə seçicilərin 47 faizi iştirak edib. İlkin məlumata görə, səsvermədə 25 milyonadək insan iştirak edib.
Story Code: 388972