QR CodeQR Code

BMT Əfqanıstanla bağlı qərarını verdi

14 Dec 2014 12:00

IslamTimes - Təhlükəsizlik Şurası Əfqanıstanda qeyri-hərbi “Qəti dəstək” missiyası təsis edilməsi təklifini dəstəkləyib


BMT Təhlükəsizlik Şurası 2014-cü ildən sonrakı dövrdə Əfqanıstanda “Qəti dəstək” adlı missiya təsis edilməsi barədə NATO ilə Əfqanıstan arasında razılaşmanı dəstəkləyib.
Bu missiya Əfqanıstan milli müdafiə və təhlükəsizlik qüvvələrinin təlimatlandırılması və onlara məsləhətlər verilməsi ilə məşğul olacaq, həmin qüvvələrə yardım göstərəcək.
BMT Təhlükəsizlik Şurasının üzvləri ümid edirlər ki, “Qəti dəstək” missiyasının rəhbərliyi Əfqanıstan hökuməti ilə qarşılıqlı fəaliyyət göstərəcək və müvafiq hallarda öz fəaliyyətini BMT-nin bu ölkədəki missiyası ilə əlaqələndirəcəkdir.
BMT Təhlükəsizlik Şurası qeyd edib ki, Beynəlxalq Təhlükəsizliyə Dəstək Qüvvələri 2014-cü ilin sonunda öz fəaliyyətini başa çatdırır və Əfqanıstanın hakimiyyət orqanları təhlükəsizlik sahəsində bütün məsuliyyəti öz üzərinə götürməyə hazırdırlar.


Story Code: 425534

News Link :
https://www.islamtimes.org/az/news/425534/bmt-əfqanıstanla-bağlı-qərarını-verdi

Islam Times
  https://www.islamtimes.org