Islam Times - İsrail rejimi Qəzzaya yanacağın idxalına mane oldu

İslamtimes - İsrail rejiminin müdafiə naziri Aviqdor Liberman Qəzzaya yanacağın idxal edilməməsi barədə orduya əmr verib.

Deyerler.org Yaxın Şərq KİV-lərinə istinadən xəbər verir ki, Liberman açıqlamasında Qəzzaya qarşı blokada çərçivəsində, təzyiq və sanksiyaların artmasını istəməklə yanaşı, Qəzzaya istənilən yanacağın keçməsinin də qarşısının alınacağını bildirib.

2 milyondan artıq fələstinlinin yaşadığı Qəzza, 2006-cı ildən etibarən blokadada saxlanılır. Bu bölgəyə hər cür ən əsas ehtiyac maddələrinin girişinə də mane olunur, dərman və qida məhsullarının girişinə də icazə verilmir.

Bu arada, BMT-nin Təhlükəsizlik Şurasının keçmiş sədri Olof Skooq Qəzzanın müharibənin astanasına gəldiyini bildirib: “Demək olar ki, gündəlik baş verən gərginliklər çox sürətli bir şəkildə arta bilir və BMT Təhlükəsizlik Şurası kifayət qədər səy göstərmir”.

Skooq keçirdiyi mətbuat konfransında, İsrail rejimi-Fələstin probleminin böyük miqyasda dağıdıcı olduğunu və xüsusilə Qəzzada fələstinlilərə son dərəcə mənfi təsir etdiyini bildirib. “Problemin həllinə üstünlük verilməlidir, amma verildimi? Qorxuram ki, xeyr”, - deyə o bildirib.