Islam Times - BVF: “İran 2021-ci ildə dünyanın 15-ci böyük iqtisadiyyatı olacaq”

İslamtimes - Beynəlxalq Valyuta Fondu (BVF) İranın 2021-ci ildə dünya bazarının 15-ci böyük iqtisadiyyatı olacağını deyib.

Deyerler.org Mehrə istinadən xəbər verir ki, BVF tərəfindən dərc olunan statistik göstəricilərə əsasən, İranın 2017-ci ildə ümumi daxili məhsul (ÜDM) göstəricisi olan 1644 milyard dollar ilə dünya iqtisadiyyatında 18-ci yerdədir.

BVF İranın 2021-ci ildə isə Kanada, Səudiyyə rejimi və İspaniyanı geridə qoyaraq, 15-ci yerə yüksələcəyini bildirib.

2021-ci ildə İranın ÜDM-i 2095 milyard dollara çatacağı proqnozlaşdırılır ki, bu da İspaniya, Səudiyyə rejimi və Kanadadan irəlidə olacağını göstərir.

Belə ki, İspaniyanın 2017-ci ildə ÜDM-si 1773,9 milyard dollardırsa, 2021-ci ildə bu rəqəmin 2094 milyard dollara çatacağı təxmin edilir. 2021-ci ildə Səudiyyə rejiminin ÜDM-i 2078 milyard dollar, Kanadanın ÜDM-i isə 2073 milyard dollara qədər yüksələcək.

Eyni zamanda 2021-ci ildə Çinin 23159 milyard dollarlıq ÜDM ilə dünya iqtisadiyyatında birinci yerə yüksələcəyi bildirilib. Amerikanın 19390 milyard dollar ilə Çindən sonra olacağı qeyd olunub.