Islam Times - Nigeriyada silahlı şəxslər internat-məktəbdən 200 şagirdi qaçırıb

İslamTimes: Nigeriyada bir qrup silahlı şəxs Niger ştatının Teqina rayonunda yerləşən internat-məktəbinə hücum edərək 200 şagirdi qaçırıblar.

APA xəbər verir ki, bu barədə yerli "Vanguard" nəşri məlumat yayıb.

Hadisə günün ikinci yarısı baş verib. Hücum nəticəsində ölən və yaralanan olmayıb.

Niger dövlət rəsmisi Reuters-ə faktı təsdiq etsə də, girov götürülən şagirdlərin sayını açıqlamaqdan imtina edib.

Qeyd edək ki, son aylarda Nigeriyada məktəb və universitetlərdə analoji vəziyyət tez-tez baş verir. Bu ilin əvvəlindən bəri ölkənin müxtəlif bölgələrində 700-dən çox şagird və tələbə qaçırılıb.