Islam Times - İşğalçı ABŞ İraq xalqının müdafiə əzmini qıra bilməyəcək! - Hizbullah

İşğalçı ABŞ İraq xalqının müdafiə əzmini qıra bilməyəcək! - Hizbullah

İslamTimes: Amerikanın hücumları İraq xalqının ölkələrinin azadlığı yolunda apardıqları mübarizədə əzmlərinin artmasına səbəb olacaq

Livan Hizbullahı bugünki bəyanatında Həşd əl-Şəbi Müqavimət Hərəkatının İraq-Suriya sərhədi yaxınlığındakı mövqelərinin bombalanmasına münasibət bildirib. Hizbullah ABŞ-ın bu addımının İraqın suverenliyinin açıq şəkildə pozulması anlamına gəldiyini bildirib.

Al-Mənar saytının məlumatına görə, bəyanatda bildirilib ki, bir çox Müqavimət üzvünün ölümünə səbəb olan ABŞ işğalçılarının hücumu İraqın terror və təkfirçi qruplara qarşı müqavimətini zəiflətmək məqsədi daşıyır.

Livan Hizbullahı, ABŞ-ın təcavüzünü pisləyən İraq rəsmilərinin mövqeyini yüksək qiymətləndirib, şəhid ailələrinə başsağlığı verib. Hizbullah qeyd edib ki, işğalçı ABŞ qüvvələri tərəfindən İraq ordusuna qarşı həyata keçirilən hava hücumları İraq xalqının vətənlərini azad etmək və yolunda başlatdıqları müdafiə əzmini daha da artıracaq.