Rusiya Estoniya diplomatik nümayəndəliyinin əməkdaşını ölkədən qovur
3 Aug 2021 15:58
İslamTimes: Rusiya Xarici İşlər Nazirliyi Estoniya diplomatik missiyasının əməkdaşını qarşılıqlı prinsip əsasında persona non qrata elan edib.
SalamNews-un RT-yə istinadən verdiyi xəbərə görə, bu iyulun 15-də Estoniya Xarici İşlər Nazirliyi rus diplomatı ölkədən çıxarmasından sonra baş verib.
Moskva Tallini dayanmağa və həddindən artıq gərginləşən münasibətləri daha da mürəkkəbləşdirməməyə çağırıb.
Rusiya XİN xatırladıb ki, iyulun 7-də Estoniyanın Sankt-Peterburqdakı konsulu Mart Lyatte "casusluq əməliyyatı zamanı cinayət başında tutulduğu" üçün persona non-qrata elan edilmişdi.
"Estoniyaya bu epizod ətrafında vəziyyətin Tallin tərəfindən daha da gərginləşməsinin qaçılmaz cavab addımlarına səbəb olacağı barədə xəbərdarlıq edilmişdir", XİN-nin açıqlamasında deyilir.
Estoniyanın Rusiyadakı səfiri Marqus Laydre nazirliyə çağırılaraq ona kəskin şəkildə etiraz bildirilib və nota təqdim olunub.
Story Code: 946624