Islam Times - Ərdoğandan lirə ilə bağlı növbəti açıqlama

İslamTimes: Biz hakimiyyətə gəldiyimiz ilk gündən, bəlkə də tariximizdə ilk dəfə olaraq, ehtiyaclarımıza, prioritetlərimizə, reallıqlarımıza uyğun iqtisadi siyasət aparmışıq. Eyni qətiyyətlə bunu davam etdiririk.

Axar.az xəbər verir ki, bunu Türkiyə Prezidenti Rəcəb Tayyib Ərdoğan lirənin kəskin ucuzlaşmasından danışarkən deyib.

"Yəni biz də iqtisadi müstəqillik uğrunda mübarizə aparırdıq. Biz bu addımları atarkən daxildən və xaricdən iqtisadiyyatımıza müxtəlif hücumlarla qarşılaşdıq. Bunların hər birini millətimizlə birlikdə aradan qaldırdıq. Bizi istədikləri xəttə çəkmək istəyənlərin valyuta və faiz oyunlarına qiymət vermədik, vermirik.

İnkişaf yolumuzda investisiya, istehsal, məşğulluq və ixrac həmişə prioritetimiz olub. Məqsədlərimizə doğru irəliləməyə davam edəcəyik", - Ərdoğan vurğulayıb.