Islam Times - Ərdoğan bu foto ilə ABŞ-a cavab verdi

İslamTimes: NATO üzvü Türkiyənin dəvət almadığı Demokratiya Sammitinin keçirildiyi gün Türkiyə Prezidenti Rəcəb Tayyib Ərdoğan da İranın parlament sədri Məhəmməd Qalibafla görüşdü.

Axar.az xəbər verir ki, bu sözləri politoloq Elxan Şükürlü qeyd edib. O bildirib ki, bu görüşü diqqətçəkən edən onun vaxtı və görüşdə xüsusi mesajın verilməsi idi:

“Türkiyə Prezidentinin başı üzərində Peyğəmbər Əhli-Beytinə böyük sevginin ifadə olunduğu məşhur kəlmələrin yer aldığı fotonun asılması həm də o demək idi ki, Türkiyə və İran onları yaxınlaşdıracaq ortaq nöqtəni və əsas bağı tapmaqla, əsrlərdir Qərbin islam dünyasını parçalamaq üçün istifadə etdiyi məzhəbçi düşüncəyə də birgə son verə bilərlər.

Allahın öz nemətlərini əsirgəmədiyi islam coğrafiyasının xilası, nicatı da elə məhz bundadır – müsəlman ölkələrinin bir araya gəlməsində, aralarındakı təfriqələrə son verilməsində və məzhəbçi düşüncədən imtinada!

Bu, həm də böyük İslam Peyğəmbərinin gerçək müsəlmanlara tövsiyəsinə, vəsiyyətinə, əmanətinə sahib çıxmaqdır: “Ey müsəlmanlar! Özümdən sonra sizə iki qiymətli əmanət qoyuram – “Quran” və “Əhli-Beyt”. Onlara möhkəm sarılın ki, yolunuzu azmayasınız!”