QR Code

Husilər Səudiyyə Ərəbistanı koalisiyasına məxsus silahla dolu gəmini ələ keçiriblər

4 Jan 2022 09:56

İslamTimes: Yəmənin 13 əyalətini nəzarətdə saxlayan husilər və onların dəstəklədiyi “Milli Qurtuluş Hökuməti”nin qüvvələri ölkə sularında Səudiyyə Ərəbistanı koalisiyasının silahla dolu bir yük gəmisini saxlayıblar.

SalamNews xəbər verir ki, bu barədə mərkəzi qərargahları paytaxt Sənada yerləşən “Yəmən Silahlı Qüvvələri”nin mətbuat katibi Yəhya Səri rəsmi tvitter hesabı üzərindən bəyanat verib.

Bildirilib ki, Səudiyyə koalisiyası tərkibində olan Birləşmiş Ərəb Əmirliklərinin silah daşıyan bir yük gəmisi əl-Hudeyda əyaləti sularında saxlanılıb.

Əlavə edilib ki, “Yəmən Silahlı Qüvvələri”nin bu addım legitim özünümüdafiə addımları çərçivəsində atılıb.

Y.Səri gəminin Səudiyyə Ərəbistanı tərəfindən hədəfə alınması ilə bağlı qarşı tərəfə xəbərdarlıq edib.

Story Code: 971930