اسلام ٹائمز - اور نکلیں گے عشاق کے قافلے

حاج قاسم، امریکہ، صہیونی حکومت اور سامراجی طاقتوں کا سب سے بڑا دشمن تھا، شہید نے اپنی زندگی میں سامراجی طاقتوں کو ناکوں چنے چبوائے اور آج اُن کا خون بھی سامراجی طاقتوں کو چین کی نیند نہیں سونے دیگا۔

اداریہ
اسلامی مزاحمت اور مقاومت کے سپہ سالار جنرل قاسم سلیمانی امریکی حملے میں شہید ہوگئے۔ جنرل قاسم سلیمانی جو حاج قاسم کے نام سے مزاحمتی و استقامتی بلاک سے تعلق رکھنے والے ہر مجاہد کے قلب و ذہن میں بستے تھے، ایران کیخلاف صدام کی آٹھ سالہ جارحیت ہو یا خطے میں امریکہ کی پھیلائی گئی دہشت گردی کی جنگ ہو، حاج قاسم صف اول میں نظر آئے۔ حزب اللہ لبنان کو اسرائیل کے خلاف جب مضبوط و توانا حمایت کی ضرورت ہوئی تو لبنان اور اس کے اطراف میں چلتے میزائلوں، شدید بمباری اور ہر طرح کے خطرے میں حاج قاسم، سید حسن نصر اللہ اور عماد مغنیہ کے ساتھ میدانِ مبارزہ میں حاضر تھے۔ امریکہ نے داعش، جبھۃ النصرہ اور اس طرح کے دیگر دہشت گرد گروہوں کے ذریعے عراق و شام کی تقسیم در تقسیم کا شیطانی منصوبہ بنایا تو حاج قاسم دنیا کی تمام سامراجی طاقتوں کے خلاف سیسہ پلائی ہوئی دیوار بن کر کھڑے ہوگئے۔

حاج قاسم امریکہ، صہیونی حکومت اور سامراجی طاقتوں کا سب سے بڑا دشمن تھا۔ حاج قاسم نے اپنی زندگی میں سامراجی طاقتوں کو ناکوں چنے چبوائے اور آج اُن کی شہادت اور اُن کا خون بھی سامراجی و صہیونی طاقتوں کو چین کی نیند نہیں سونے دیگا۔ اسی لیے رہبر معظم انقلاب اسلامی حضرت آیت اللہ سید علی خامنہ ای نے اپنے تعزیتی پیغام میں فرمایا ہے کہ