اسلام ٹائمز - پیواڑ، مرقد شہید حسینی پر اسکاوٹ سلامی

آئی ایس او پشاور ڈویژن کے زیراہتمام پیواڑ پارہ چنار میں اسکاوٹس کی تقریب منعقد ہوئی۔ یوم وفا کی مناسبت سے قائد شہید علامہ عارف حسین الحسینی رحمۃ اللہ علیہ کے مزار پر اسکاوٹس نے حاضری دی، پھول چڑھائے، فاتحہ خوانی کی اور سلامی دی۔

اسلام ٹائمز۔ علمدار کربلا، حضرت عباس ابن علی علیہ السلام کے یوم ولادت کے موقع پر امسال بھی امامیہ اسٹوڈنٹس آرگنائزیشن پاکستان کے شعبہ اسکاوٹنگ کی جانب سے ملک بھر میں یوم وفا کی تقریبات منعقد ہوئیں۔ آئی ایس او پشاور ڈویژن کے زیراہتمام پیواڑ پارہ چنار میں اسکاوٹس کی تقریب منعقد ہوئی۔ یوم وفا کی مناسبت سے قائد شہید علامہ عارف حسین الحسینی رحمۃ اللہ علیہ کے مزار پر اسکاوٹس نے حاضری دی، پھول چڑھائے، فاتحہ خوانی کی اور سلامی دی۔ اسکاوٹ کی تقریب میں یوم وفا کی مناسبت سے امام زمانہ حضرت امام مہدی علیہ السلام اور آپؑ کے نائب برحق کیساتھ تجدید عہد کیا گیا گیا۔ واضح رہے کہ امامیہ اسکاوٹس حضرت عباس علمدار علیہ السلام کو اپنا آئیڈیل قرار دیتے ہیں۔