اسلام ٹائمز - لاہور میں یوم شہادت حضرت فاطمہ زہرا کا جلوس

یوم شہادت خاتون جنت ؑ کا مرکزی جلوس موچی گیٹ سے برآمد ہوا، جو مقررہ راستوں سے ہوتا ہوا دربار بی بی پاکدامن پہنچ کر اختتام پذیر ہوا، جلوس کی قیادت مجلس وحدت مسلمین پاکستان کے مرکزی وائس چیئرمین علامہ احمد اقبال رضوی نے کی۔ اس کے علاوہ شہر بھر میں مجالس سے عزا کا سلسلہ بھی جاری رہا۔

اسلام ٹائمز۔ بنتِ پیمبر ؐ خاتون جنت، حضرت فاطمہ زہرا سلام اللہ علیہا کا یوم شہادت ملک بھر کی طرح لاہور میں بھی مذہبی جذبے اور عقیدت و احترام کیساتھ منایا گیا، جس کیساتھ ہی عالمی عشرہ عزائے فاطمیہؑ کے پروگرام اختتام پذیر ہو گئے۔ اس موقع پر شہر کی تمام امام بارگاہوں میں مجالس عزاء اور شدید سرد موسم کے باوجود ماتمی جلوسوں کا انعقاد کیا گیا۔ مجالس عزاء سے خطاب کرتے ہوئے علمائے کرام، واعظین اور ذاکرین نے سیرتِ فاطمہ زہرا سلام اللہ علیہا پر روشنی ڈالی اور اسوہ بتولؐ کو طبقہ نسواں کیلئے نمونہ کامل قرار دیا۔ اس موقع پر یوم شہادت خاتون جنت ؑ کا مرکزی جلوس موچی گیٹ سے برآمد ہوا، جو مقررہ راستوں سے ہوتا ہوا دربار بی بی پاکدامن پہنچ کر اختتام پذیر ہوا، جلوس کی قیادت مجلس وحدت مسلمین پاکستان کے مرکزی وائس چیئرمین علامہ احمد اقبال رضوی نے کی۔