اسلام ٹائمز - یکم جولائی تیاریاں

اسلام ٹائمز: مجلس وحدت مسلمین پاکستان کے مرکزی سیکرٹری جنرل نے لاہور میں یکم جولائی کو منعقد ہونے والی قرآن و سنت کانفرنس کے سلسلے میں شہر کے مختلف عمائدین سے ملاقاتیں کیں اور انہیں باقاعدہ دعوت دی۔

اسلام ٹائمز۔ قرآن و سنت کانفرنس کی تیاریوں کے سلسلے میں ایم ڈبلیو ایم کے سربراہ نے لاہور میں مختلف مذہبی، سماجی اور کاروباری شخصیات سے ملاقاتیں کیں اور باقاعدہ طور پر انہیں یکم جولائی کو مینار پاکستان پر منعقد ہونے والے پروگرام میں شرکت کی دعوت دی۔ اس موقع پر ان کا کہنا تھا کہ ملک بھر میں ہونے والی قرآن و اہل بیت کانفرنسز کے کامیاب انعقاد کے حوالے سے ان کا کہنا تھا کہ بیداری ملت کے کاروان کی کامیابی کا سہرا بھی الٰہی جوانوں کے سر ہے، جنھوں نے پاکستانی معاشرے میں وحدت کے فروغ اور ملی بیداری میں اہم کردار اد اکیا ہے اور انہی خطوط پر چلتے ہوئے یکم جولائی کو مینار پاکستان پر قرآن و سنت کانفرنس میں اپنی بھرپور شرکت کو یقینی بنائیں گے۔