اسلام ٹائمز - لانگ مارچ (1)

اسلام ٹائمز: لانگ مارچ کے آغاز سے قبل مسجد شہدا میں دفاع پاکستان کونسل کے قائدین نے نوافل ادا کئے۔ اس موقع پر میڈیا سے گفتگو کرتے ہوئے مولانا سمیع الحق نے حکمرانوں کو شدید تنقید کا نشانہ بنایا۔

اسلام ٹائمز۔ دفاع پاکستان کونسل کے زیراہتمام لاہور سے اسلام آباد کی طرف لانگ مارچ کی قیادت کونسل کے چئیرمین مولانا سمیع الحق، امیر جماعت اسلامی سید منور حسن، امیر جماعت الدعوة حافظ محمد سعید، عوامی مسلم لیگ کے سربراہ شیخ رشید احمد اور لیفٹینٹ جنرل (ر) حمید گل نے کی۔ لانگ مارچ کے شرکاء موٹر سائیکلوں، بسوں، ویگنوں اور کاروں پر سوار تھے۔ جو تمام راستے امریکہ مخالف نعرے لگاتے رہے۔ لانگ مارچ کے آغاز سے قبل مسجد شہدا میں قائدین نے نوافل ادا کئے۔ اس موقع پر میڈیا سے گفتگو کرتے ہوئے مولانا سمیع الحق نے حکمرانوں کو شدید تنقید کا نشانہ بنایا۔ انہوں نے کہا کہ دفاع پاکستان کونسل ملک پر امریکی تسلط اور موجودہ حکومتی پالیسیوں کو مسترد کرتی ہے۔ انہوں نے کہا کہ نیٹو سپلائی کے خلاف جدوجہد کرنا ان کا آئینی اور جمہوری حق ہے۔ ان کا کہنا تھا کہ عوام پارٹی وابستگیوں سے بالاتر ہوکر لانگ مارچ میں شریک ہوں۔ مولانا سمیع الحق کا کہنا تھا کہ لانگ مارچ کا مقصد موجودہ حکمرانوں سے نجات اور ملک میں اسلام کی بالادستی ہے۔