اسلام ٹائمز - اسلام آباد احتجاج

اسلام ٹائمز: وفاقی دارالحکومت میں پولیس نے مظاہرین پر فائرنگ کا سلسلہ شروع کر دیا ہے۔ مظاہرین کی مسلسل فضائی نگرانی بھی جاری ہے۔

اسلام ٹائمز۔ گستاخانہ فلم کے خلاف اسلام آباد میں اس وقت زبردست احتجاج جاری ہے۔ پولیس کی فائرنگ سے دو افراد کے زخمی اور بھاری شلینگ اور لاٹھی چارج سے درجنوں کے زخمی ہونے کی اطلاع ہے۔ مظاہرین تمام رکاوٹوں کو توڑتے ہوئے ڈپلومیٹک انکلیو پہنچ چکے ہیں۔ اطلاعات کے مطابق مظاہرین کو کنٹرول کرنے کے لئے فوج کو طلب کر لیا گیا ہے۔ اس سے قبل آبپارہ اور گرد و نواح کے علاقوں میں مظاہرین اور پولیس کے درمیان شدید جھڑپیں ہوئیں۔