اسلام ٹائمز - نظریہ پاکستان مارچ

اسلام ٹائمز: جماعت الدعوۃ پاکستان کے زیراہتمام تحفظ نظریہ پاکستان مارچ کا اہتمام کیا گیا، ریلی مینار پاکستان سے شروع ہو کر مال روڈ پر مسجد شہداء پہنچی، جہاں مقررین سے شرکائے مارچ سے خطاب کیا۔

اسلام ٹائمز: مینار پاکستان سے مسجد شہداء تک ہونے والے مارچ کا اہتمام جماعت الدعوۃ نے کیا تھا۔ مارچ کے شرکاء نے جماعت الدعوۃ کے سیاہ و سفید پرچم اٹھا رکھے تھے اور بھارت کے خلاف نعرے بازی کر رہے تھے۔ مارچ کی قیادت امیر جماعت الدعوۃ حافظ سعید نے کی جبکہ جماعت اہلحدیث کے علامہ ابتسام الٰہی ظہیر، جماعت اسلامی کے فرید احمد پراچہ سمیت دیگر جماعتوں کے رہنمائوں اور کارکنوں نے بھی شرکت کی۔ اس موقع پر خطاب میں حافظ سعید کا کہنا تھا کہ دہشت گردی کا عفریت ملک کے امن کو تباہ کر رہا ہے اور اس میں بھارتی خفیہ ایجنسی را ملوث ہے، جو بلوچستان میں بھی دہشت گردانہ کارروائیوں میں ملوث ہے۔