اسلام ٹائمز - تعزیتی وفد

اسلام ٹائمز: ایم ڈبلیو ایم ملتان کے وفد نے علامہ اقتدار نقوی کی قیادت میں پی ٹی آئی کے سابق صدر مخدوم جاوید ہاشمی سے انکی ہمشیرہ کی وفات پر اظہار تعزیت کیا۔

اسلام ٹائمز۔ مجلس وحدت مسلمین پاکستان ملتان کے وفد نے پاکستان تحریک انصاف کے سابق مرکزی صدر اور بزرگ سیاستدان مخدوم جاوید ہاشمی کی ہمشیرہ کی وفات پر اُن سے تعزیت کی۔ ایم ڈبلیو ایم کے وفد کی قیادت ایم ڈبلیو ایم پنجاب کے صوبائی ڈپٹی سیکرٹری جنرل علامہ سید اقتدار حسین نے کی، جبکہ وفد میں ڈپٹی سیکرٹری جنرل ملتان سلیم عباس صدیقی، میڈیا کوارڈینیٹر جنوبی پنجاب ثقلین نقوی، سیکرٹری سیاسیات مہر سخاوت، وسیم عباس زیدی اور شبر رضا شامل تھے۔ وفد نے مخدوم جاوید ہاشمی سے اُن کی ہمشیرہ کی وفات پر تعزیت کرتے ہوئے مرحومہ کے درجات کی بلندی کے لئے دعا کی۔