اسلام ٹائمز - خواتین اساتذہ کو اسلحہ ٹریننگ

اسلام ٹائمز: پولیس لائینز پشاور میں ٹیچرز کو تربیت دی جا رہی ہے، ایلیٹ فورس اور محکمہ انسداد دہشتگردی فورس کے ٹرینرز انہیں اسلحہ چلانے کی تربیت دے رہے ہیں، پہلے دن فرنٹیئر گرلز کالج کی ٹیچرز کو پستول اور ایس ایم جی چلانے کی تربیت دی گئی۔

اسلام ٹائمز۔ پشاور پولیس نے خواتین ٹیچرز کی تربیت کا سلسلہ شروع کر دیا ہے۔ پہلے مرحلے میں دس تعلیمی اداروں کے ٹیچرز کو پولیس تربیت دے رہی ہے۔ پولیس لائینز پشاور میں ٹیچرز کو تربیت دی جا رہی ہے۔ ایلیٹ فورس اور محکمہ انسداد دہشت گردی فورس کے ٹرینرز انہیں اسلحہ چلانے کی تربیت دے رہے ہیں۔ پہلے دن فرنٹیئر گرلز کالج کی ٹیچرز کو پستول اور ایس ایم جی چلانے کی تربیت دی گئی۔ ٹیچرز کو تین تین روزہ تربیت دی جا رہی ہے۔ ایس ایس پی آپریشنز پشاور ڈاکٹر میاں محمد سعید کے مطابق دس تعلیمی اداروں نے پولیس سے رابطہ کیا ہے جنہیں رضاکارانہ طور پر تربیت دی جا رہی ہے۔