QR Code
جھنگ، ڈی آئی خان ٹارگٹ کلنگ کیخلاف علامتی احتجاج
7 May 2016 07:14
اسلام ٹائمز: آئی ایس او جھنگ کے زیراہتمام ڈیرہ اسماعیل خان میں شیعہ پروفیشنلز کی ٹارگٹ کلنگ کیخلاف احتجاجی ریلی نکالی گئی، مظاہرے میں بچوں اور نوجوانوں سمیت بڑی تعداد میں لوگوں نے شرکت کی۔
اسلام ٹائمز۔ امامیہ اسٹوڈنٹس آرگنائزیشن پاکستان فیصل آباد ڈویژن کے یونٹ جھنگ صدر کے زیراہتمام سانحہ ڈیرہ اسماعیل خان کے خلاف احتجاجی ریلی نکالی گئی۔ ریلی سے خطاب کرتے ہوئے مقررین نے کہا ملت تشیع پاکستان کی تاریخ خون سے سرخ ہے، ہم نے ہمیشہ صبر و استقامت سے ظالمین کا سامنا کیا ہے، سینکڑوں شہداء کے لاشے اٹھائے لیکن قانون کو ہاتھ میں نہیں لیا، ملت جعفریہ کے صبر کا پیمانہ لبریز ہوچکا ہے، حکومت دہشت گردی کے خلاف سنجیدہ کارروائی کرے۔ مقررین نے کہا کہ ملت تشیع نے ہمیشہ اتحاد بین المسلمین کے فروغ کیلئے عملی اقدمات کئے ہیں، دن دیہاڑے حکومتی اہلکاروں کی موجودگی میں شیعہ ہونے کی بنا پر ٹارگٹ کیا جانا حکومتی کارکردگی پر سوالیہ نشان ہے۔
خبر کا کوڈ: 537144