اسلام ٹائمز - کوہلو، بی ایل اے سے برآمد اسلحہ

آئی جی ایف سی کی نگرانی میں کوہلو کے علاقے کاہان میں بی ایل اے کے ٹھکانے پر کارروائی کے دوران 20 عدد راکٹ، 14 عدد فیوز، 70 عدد آر پی جی گولے، میزائل لانچر و دیگر اسلحہ برآمد ہوا۔

اسلام ٹائمز۔ ایف سی نے بلوچستان کے ضلع کوہلو کے علاقے کاہان میں کالعدم دہشت گرد تنظیم بی ایل اے کے خلاف اعلٰی پیمانے پر سرچ آپریشن کیا ہے۔ اس کارروائی کے دوران بی ایل اے کے ٹھکانے سے بڑی مقدار میں اسلحہ و گولہ بارود برآمد ہوا ہے۔ برآمد ہونے والے اسلحہ میں 20 عدد راکٹ، 14 عدد فیوز، 70 عدد آر پی جی گولے، میزائل لانچر، 12 عدد راکٹ فیوز، مارٹر بم، 5 بنڈل ڈیٹونیٹنگ کارڈ، مختلف ساخت کے ہزاروں راؤنڈز اور دیگر تخریبی مواد شامل ہیں۔ بی ایل اے کے خلاف اس سرچ آپریشن کی نگرانی آئی جی ایف سی میجر جنرل ندیم انجم نے خود کی۔